政壇：黃傑龍出力宣傳滅罪App

十大傑青兼黃大仙區撲滅罪行委員會委員黃傑龍（Simon）最近同滅罪會委員一齊設計咗個名為「樂區」嘅滅罪遊戲App，畀市民化身城市管理人，每日面對唔同類型罪案，幫手諗計撲滅罪案。同場另一位傑青兼時裝設計師余嫿亦就大力宣揚禁毒訊息，佢將帶領一班黃大仙區中學生設計以反吸毒為題嘅時裝，向毒品Say No。據講設計呢個滅罪遊戲App最頭痛嘅，並非技術難題，而係遊戲中嘅獅子山，討論咗一段時間先達成共識。