手沒傷口亦會受感染
洗手液處理不當會孳生多種細菌，一旦入血可致器官衰竭甚至致命。
本報將六個洗手液樣本交予化驗所化驗。
「如果手上面有傷口，就好容易受細菌感染而發炎，免疫能力差嘅人，細菌仲會入血，經血管流經全身，影響腎、肝同心臟功能，令內臟衰竭，出現中毒性休克綜合症，有機會引致死亡。」香港傳染病醫學會醫生曾德賢指出，即使皮膚沒傷口，若用手捽眼或進食，細菌便可直接進入眼部或進入腸道，造成眼部結膜炎或肚瀉：「細菌入咗腸道，一樣會入血，可引致溶血性尿毒綜合症致命。」
「喺洗手液存活嘅細菌好頑強，有一定致命性。」皮膚科專科醫生侯鈞翔表示，公共場所提供的洗手液質素參差，隨時充斥惡菌，「如果用完即棄、獨立包裝嘅洗手液會安全得多，但呢啲洗手液市面唔多，惟有盡量唔好用。」他又提醒市民，百分之九十的細菌和污漬都可用清水洗乾淨，只需用清水洗手又或自攜消毒紙巾，就毋須使用洗手液。
「洗手液會加入表面活性劑去做清潔功能，但唔係每種表面活性劑都可以殺菌。」香港專業教育學院（沙田）應用科學系講師周卓峰則指出，若洗手液所使用的表面活性劑沒殺菌效力，很易成為細菌溫床，「呢啲係有機化學物質，對細菌生長好有利，尤其係廁所咁潮濕嘅環境。」
