坊間論及香港特區政府施政慌亂無能時，全指向因最高層的問責官員質素庸廢所致，哼！查實，最PK的，還仲係操此地福祉生死權的行政會議成員呀！大家不妨看看那騎呢怪先啦（若不怕嘔吐大作的話）！同班廢柴庸官不相伯仲呵！

行會成員三尖八角，唔係有朕土共「除」的，就係酬庸的垃圾廢物，或哈巴獸和擦鞋仔。當中，有幾位具才能的，但總發唔到圍，反被利用為裝飾的花瓶，和陪太子背書的玩偶！

行會內，有件黨魁級的首領，嗱！唔係那土共嘅棠哥呀！佢受航空公司禮待單嘢，竟無聲無息無下文喎！真唔想嘥筆墨去提此等×品種。今日要審視的，係叫「掃把頭」嘅黨主席，佢喺菲律賓政府冷待港人追討馬尼拉人質慘劇的提議，便知呢啲所為行會成員的質素，有幾PK！

掃把頭見賓賓總統唔理香港苦主訴求，追究責任兼要求道歉時，掃把頭連同佢個黨建議香港政府設立「境外暴力傷亡基金」，即係港人喺外邊畀人揼，就由香港全部人夾錢畀湯藥費，你話佢白唔白癡吖！咁咪好縱容啲行兇者！嗱！唔該佢聽吓苦主嘅謝志堅點講：「家屬最想爭取的，係公義，而賠償只是承擔責任的一種形式，如家屬只接受港府基金賠償了事，不再為在外地發生的不公平事爭取到底，等於香港在國際舞台上自我矮化。」只不過是一介小市民，所持嘅原則和識見，都比呢個掃把頭高幾倍啦！不要以為將「掃把頭」改為「濕地拖」就當咗有智慧啦！始終都係把爛掃把，仲話想參選特首！慳啲啦！「三個字」：「本末倒置」。

講到尾，行會成員又係一堆垃圾裏的蛇蟲鼠蟻！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps