SUN搞作：網絡小說：本土派大戰左膠
「一日都係最衰啲強國人啦！」本土派指住白鴿黨幅假畫。「唔係咁多強國美術學院學生失業，邊度會有咁多假畫？」
「關你隱事！」左膠不忿，膠出真心：「隱性歧視個隱！人哋賣畫維生有乜問題？問題係白鴿黨對白鴿眼盲咗！你哋本土派其實係毒害本土嘅『苯土派』！」
「轉移視線！阻住香港人發達，左膠咪其實係『阻膠』！」本土派立即掏出一個鍵盤，進行起底：「嗱！家陣嗰個畫家喺大陸出世，仲要姓『蝗』嘅，咪搞到香港咁囉！ 」
左膠見大家都走火入魔，決定話鋒一轉：「咁其實我都唔係完全唔同意你哋，雖然我哋唔主張歧視強國人……」閃閃縮縮地說：「但係其實我哋都係支持要有審批權去唔畀佢哋落嚟嘅……咁唔係歧視呀，唔係……啩……」
「唉！唔好睇我哋成日鬧，我哋其實都幾buy祖國o架！」本土派執左膠之手，也道出肺腑之言：「源頭減人，要由娃娃抓起！打出來、流出來、就是不能生下來！支持一孩政策！」
