工業大廈石沉沉，原來藏着一個「綠」意盎然的工作室，裏面雖然不是種滿植物，但每件家具都經過「分解再裝嵌」：有用塑膠樽底串成的吊飾、用膠袋和雜誌再造的吊燈、用卡板再造的梳化等，這個卡板梳化上的紅字，更添上點點「設計味」。這個工作室，確實與別不同。

Stanley（左）和Sheung（右）現在是「無廢戰友」。（袁志豪攝）

自小愛做手作的Sheung，織地氈特別得心應手。

剪布條、織地氈，學員落足心機「織織復織織」。

Stanley的工作室猶如再造設計作品展。

書架和吊飾既美觀實用，都是Stanley「再設計」的作品。

「你可以當佢哋係廢物，但我會當佢哋係物料。」二十八歲的工作室主人Stanley對自製的再造家具洋洋得意。約兩年前，他辭去室內設計師工作，一手一腳「揼」出「無廢空間」：「我鍾意DIY，學吓、肯做就得o架啦。」

心無廢物 盡是材料

同時，工作室中央傳來Sheung的聲音：「你哋（學員）可以將唔要嘅衫都織上去o架。」她與Stanley於大專相識，為廣傳「物料再設計」概念，她在今年暑假租了Stanley的工作室，開班教授「再設計」作品，「對你無用嘅嘢，可能對其他人有用，只要你肯發掘多啲。」

Sheung邊講解邊示範，學員躍躍欲試，先裁好地氈底大小，再把舊衣服剪成布條，把布條逐一繫上地氈底。七彩繽紛的布條，有棉質，亦有絲質，織織復織織，完成品各有特色。「希望佢哋（學員）第日見到地氈，就會記起有舊衫可以織上去。」她更自創新織法，啟發學員在日常生活發掘更多環保點子，「最想緊係佢哋（學員）多啲留意身邊嘅嘢，諗多啲設計啦！」