法律規定,司機駕駛期間不得使用流動電話,哪麼塞車或停燈期間使用手提電話,又是否違法?法律界人士指出,塞車時車輛仍會移動,絕不能使用手提電話及附件,包括手持免提裝置,而停燈時則屬於灰色地帶,須視乎司機放下電話的時間。

轉綠燈須即放下電話

「法例規定,任何司機喺佢駕駛嘅交通工具移動時,都唔可以使用手提電話,但塞車嗰陣,架車唔係處於絕對靜止狀態,會不斷緩慢咁向前行,司機呢個時間用電話,已經違法。」執業大律師陸偉雄稱,司機於停燈期間使用電話,理論上雖不算違法,但他必須於燈號轉為綠色前,放下電話,否則同樣可被檢控。

陸又指,司機於行車期間,雙手如離開軚盤,會被視為態度「明顯不小心」,可被控以不小心駕駛,甚至危險駕駛,「不小心駕駛嘅最高刑罰,係罰款五千元及入獄半年,司機仲會被停牌不少於一年,甚至強制參加駕駛改進課程;而危險駕駛嘅最高刑罰,係罰款五千元及入獄三年!」

第一手消息請下載on.cc東方互動iPhone/iPad/Android/Windows Phone Apps