SUN搞作:SUN官場現形記:好心做善事?
白鴿黨又衰多鑊,李衞見狀梗係去審吓鐵頭仁啦!點知佢淨係識「賴」,咁無擔戴,點做議員呀?
李衞:鐵頭,前幾年你出賣選民,點計先?
鐵頭仁:我去西環都係為咗「全港市民嘅共同利益」咋!
李衞:白鴿接受小圈子提名選委會又點計?
鐵頭仁:我哋退而求其次啫!
李衞:咁你同涂議員「衝上雲霄」免費遊歐呢?
鐵頭仁:每個男人都會犯下相同嘅錯誤……更何況,我已經道咗歉喇!
李衞:白鴿黨賣假畫無得賴喇啩?
鐵頭仁:唔一定係假,你知啦呢幾年好興二次創作……
李衞:dfhtf&^@#@!