今年以善心建善業為主題嘅保良局，日前喺沙田馬場舉行135周年紀念盃賽，一眾董事局成員齊撐場。良朋歡聚，主席鄭錦鐘拎出多支法國佳釀送贈副主席同總理們，喺一片歡呼聲下舉杯慶祝，與眾同樂！ 另一邊廂，匯聚女強人嘅香港各界婦女聯合協進會早前舉行聯歡晚宴，把酒言歡聚首一堂，順便慶祝會內獲授勳嘅女中豪傑。

保良局盃
產後瘦身
保良局總理李何芷韻（右）產後努力keep fit，老公李文斌（左）都話大力支持。

打響頭炮
保良總理陳正欣（右一）有份嘅團體馬「飛快無敵」喺第一場先拔頭籌，贏得逾四十萬元獎金，唔知有無帶挈「玩具大王」蔡志明太太蔡李惠莉（右二）同前鐘錶業總會主席梁青華夫婦（左一、左二）發橫財呢？

分享佳釀
保良局主席鄭錦鐘（中）珍藏大批法國佳釀多年，呢日慷慨公諸同好，太太鄭關巧妍（左）同千金鄭泳妮（右）就滿場飛招呼賓客，夠晒落力。

齊撐愛駒
莎莎國際主席郭少明（左）同太太郭羅桂珍嘅愛駒「美的人生」呢日出戰保良局盃。

母子同樂
保良局副主席梁安琪（左）同公子何猷亨都賞面支持盛會。

婦協聯歡晚會
巾幗聚首
名譽副會長梁寶珠（左起）、婦協主席林貝聿嘉、副主席丁毓珠、特首梁振英夫人梁唐青儀同理事孔美琪難得聚首。

扶助貧病
美容教主鄭明明（中）成立慈善基金協助貧病無依者，老公陳樹德（右）同女兒陳維黛（左）齊聲讚好。

第一手消息請下載on.cc東方互動iPhone/iPad/Android/Windows Phone Apps