SUN奇古怪：SUN潮語：【中出】
潮語「中出」其實係日文漢字，多數都係出現喺AV片嘅封套，唔使多講，大家心領神會。後來「中出」呢個潮語就喺網絡流傳。值得注意嘅係「中出」係一種完全性嘅征服。所以，網友們就用呢個潮語作動詞表達呢種不安全性行為。
好多人話，唔使幾耐上海就會取代香港成為世界唔知第幾大金融中心。尤其係依家上海「自貿區」開張來勢洶洶。擺出一副戰鬥格，擺明搶生意。另一方面，深圳前海區又話要成為第二個香港。身邊都有唔少中產朋友，即時淆底起嚟，佢哋仲話以今時今日中國嘅國力，香港遲早玩完，都係諗定移民實際啲。一時之間，移民又成為熱門話題，睇嚟景×移民又有大把生意做。不過計我話，上海深圳無論再過幾多十年，只要一日喺偉大嘅中共領導之下，都唔會超越香港。因為，香港嘅獨特地理優勢同歷史背景，令到我哋香港人出名適應力強，無論咩環境都可以靈活變通。仲有，我哋資訊文化自由交流，仲會繼續吸收其他地區文化，然後加工成為本土文化。
不過有樣嘢，香港真係輸畀上海九條街。呢樣就係索女嘅數量！因為佢哋咁多人，靚女數量肯定多呢！好多男人上咗去做嘢之後都唔小心「中出」，之後就做咗「上海姑爺」，咁就一世！
討論區會常出現一啲問題少男舉手詢問：「各位巴打，尋晚中出咗，點算？會唔會生愛滋死？」當然，被恥笑係常識吧！
「中出」隨時會搞出人命，大家都係小心為上。不過香港有個機構係大條道理「中出」，佢就係香港中華出入口商會，連左報都大大隻標題寫佢個簡稱為「中出會」！嘩，真係好想入呀！
