SUN搞作：SUN官場現形記：曾係金句重現
尋日李衞去青衣跑步，撞到位「盛怒」嘅運動員表達對貪曾嘅不滿，可惜人不要面，天下無敵，貪曾唔止唔認衰，仲要重演佢在任嗰陣嘅金句……
運動員：17年前話就快有體育館，17年後竟然仲起緊，你有無反省？
貪曾：我雀屎17年前都唔係特首，唔關我事！
運動員：你接手之後，政府辦事效率勁低，先搞成咁！
貪曾：你錯嘞，我哋做嘢好快o架！
運動員：係囉，有咩快得過你在任幾年貪盡海陸空？
貪曾：我處理文件好快速o架，臨走之前銷毀咗好多買酒紀錄！
運動員：（拎地拖出嚟）厚顏無恥！
貪曾：做乜一個地拖「揈」埋嚟？這裏不是黑社會地方！
運動員：你啲政策咁多水分，成地濕晒，梗係要用地拖「烹」你走啦！
