SUN搞作：少膽虫手記：黑夜食堂
自從開會嗰日，肥豪拋下一句「寧食明將，也不吃屎！」拂袖而去，連淫賤黎嘅鞋都懶得入房刷，少膽虫始知壹全霉飯堂好乞人憎。向來關心下屬，決心營造幸福工作環境嘅少膽虫，梗係順應下屬心意，聯絡明將做番啲嘢啦……
「脫離群眾，何以服人？」記者菜嫌貴一路罵，一路將手中壽司大力掟落地，知佢又想搞事，少膽虫質問佢：「我已經主動求變，你仲想點？」菜嫌貴冷笑一聲，拿出一盒飯堂外賣道：「你食得晒呢盒嘢咩？」為咗扮大佬，少膽虫惟有頂硬上，打開個盒，酸醙味襲來，拎舊魚柳塞入嘴，竟然味如嚼蠟，再試新引入嘅明將壽司，一咬，紅豆與飯粒緊緊交纏！發霉與變壞之間的質感，叫少膽虫面色發青，狂吐不止。
菜嫌貴見狀，輕蔑地道：「只係顧住搵御廚食千蚊lunch，你唔係人嚟o架！」畀佢講中咗，實在無聲出，因為少膽虫的確只係一條虫……
