尋日喺大街撞到貪曾，李衞梗係追究下點解前朝政府手腳咁慢，人質事件拖極都未搞掂，豈料貪曾堅持自己做晒「實事」，激到李衞彈起！

李衞：菲國無恥，全城大怒！你身為前特首，仲唔將功贖罪，把握機會關心市民？

貪曾：我不嬲都有「關心」大家o架！

李衞：請問你點關心呢？

貪曾：我年復年、月復月去教堂，幫香港人祈禱！

李衞：咁你做過啲咩實事？人哋小馬哥一星期就搞掂班賓賓喇！

貪曾：哼，你哋無人夠我叻，我搵過國際援助o架！

李衞：係？洗耳恭聽喎？

貪曾：我諗住搵教宗幫港人祈禱o架，可惜搭線失敗之嘛！

李衞：GF(#())!~~)!

第一手消息請下載on.cc東方互動iPhone/iPad/Android/Windows Phone Apps