今時今日,喺香港特區廢墟內的怪事醜態,多到鬧唔切,本來,有關香港大學招聘洋校長之風波,我日前講咗一次,已足夠的了!但看到一篇又一篇的廢話怪論,便忍不住要多講幾句,「平衡」吓那些「三無」之後的「第四無」,即「無恥」嘅歪理,以正視聽至得!

那個成日返上大陸搞中港合作嘅港大科學系系主任盧寵茂,猛火炮轟仲未上任嘅洋校長馬斐森「無知無能無心」後,又喺電台繼續怒插鬼頭「學術水平低」、「唔識中文無法同大陸溝通」,咁都唔止,盧主任更相信港大裏面有人可勝任做校長,佢話:「外國人唔識中文可以慢慢學,掉番轉,你係咪歧視緊有能力嘅本地人?」

唉!系主任呀!玩排外呀?做乜你嘅言論咁「土共化」o架?黑白顛倒到反智失常;同樣,用番你嘅邏輯,你係唔係歧視緊唔識中文嘅外國人先?大個人的了!唔好咁幼稚啦!唔該!怪唔得校委會主席梁智鴻要搵個洋人來治你這個土共思維的小主任啦!你呢啲連維園阿伯級數都未到嘅水平,頂多係唔敢露面嘅五毛黨羽質素,仲講乜春學術成就吖?

大學校長的責任(或抱負)唔係公關小姐,唔使成日諗住點樣去「招待」大陸佬o架!老細!亦唔係做「論文戰士」,日夜鬥做「研究報告」o架!阿SIR!仲有呀!咪吓吓玩小農社會的村長意識,只准「自家人」點燈咁圍威喂啦!

香港仲要同上海鬥o架!我哋要保住「國際大都會」個朵o架!若你好想個上司係「強國人」嘅,你咪唔好鬼返嚟咯!反正你有個竇喺祖國了!夠薑嘅!咪做個真正勇敢的中國人囉!

彭志銘

次文化考古學家,對城中潮語有深入研究,博徵博引,廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps