少膽虫拎住份文件如常由淫賤黎間房出番嚟，雖然體力透支，垂頭喪氣，但突然瞥見編輯肥豪同fing春蘇喺角落頭咬耳仔，少膽虫於是靜雞雞行埋去……

「你真係信我哋份報紙講到台灣咁好咩！」肥豪舔住蛋撻咁話，「無普選我哋咪又係咁過咗幾十年。」fing春蘇搖搖頭話：「一路無唔等於應該無o架！而且可以換走爛政府！」「點換都爛o架啦！」肥豪成嘴撻汁，噴落去fing春蘇塊面：「政府逼死鄉民，差佬打示威者，咁仲衰過唔係普選嘅肥彭啦。」肥豪又伸脷準備舔另一個撻，但fing春蘇已經嚇到彈起身大嗌：「五毛！你係五毛！」

「肥豪，家陣你唔滿意《爛果》立場吖嘛！你聽日同我過台灣《爛果》做！」少膽虫立即擺出官威：「同我簽咗佢！」肥豪睇見份文件係去當兵，即刻跪低：「我屋企有老有嫩，唔想畀人操死呀！」少膽虫睇住自己啱啱簽嘅名，感懷身世，大發慈悲：「唔當兵操死都得，畀淫黎操死─人工拎台灣價錢啦！」肥豪已經黐咗線，大嗌唔好，仲好似個美國妹咁狂舞。

「啱喇，淫賤黎講到明，台壹點都要搵多啲傻仔陪葬!」少膽虫順便教訓fing春蘇：「你知啦，有無普選都好，淫賤黎呢亭有錢人，去到邊都想點就點o架啦！」

第一手消息請下載on.cc東方互動iPhone/iPad/Android/Windows Phone Apps