SUN搞作:SUN官場現形記:酒肉穿腸過 單留我心中
貪曾又被人揭發惡行,本來應該望天主打救,點知佢突然更改信仰,學人講佛,希望以砌詞狡辯避開港人唾罵……
市民︰走呀!走呀!
貪曾︰施主,我已經離開咗凡塵俗世,唔使叫,我已經走咗!
市民︰我係問你用公帑買嘅酒去咗邊?
貪曾︰呢啲已經係俗事,況且出家人唔講酒肉,罪過!罪過!
市民︰咁啲單呢?
貪曾︰無論係劉丹、王丹,甚至係彭丹,我一概都忘記了。
市民︰咩劉丹呀?問緊你存酒紀錄,你咁講係咪認你已經銷毀晒啲罪證?
貪曾︰施主,咪亂講!所謂「酒肉穿腸過,單留我心中」,存酒紀錄仲喺我腦海之中,不過剩係得我知道咁解。
市民︰@##$$%%^^^