【本報訊】女的狠摑、男則跪地，女方被譏為「史上最強悍港女」，男方則被指「影衰男人」，並極速遭人起底，原來男女主角過去一直爭執不斷，而「家庭暴力」也不止一次發生，男方上個月才在facebook留言，指「我一定會記得你琴（尋）晚點打我屈我」，女方則回應稱「你有本事咪報警」，又指男方「有錢又唔Ｘ還錢」是「世紀賤狗」。姓鄭女主角曾任職旺角一間便利店，約於一年前離職，該店店員透露，鄭女任職期間，其男友經常在店外接她放工，兩人也有恩愛一面。

網民起底 公開留言

片段前晚起在互聯網流傳，男女雙方facebook亦迅速遭網民起底，二人相信同晚已鎖帳號，不過有網民已將他們以往的留言截圖並公開，據稱二人居於沙田。其中男方八月時曾留言申訴「覺得自己好Ｘ傻」，「同阿媽食個飯又要發我脾氣」，女方更要他夜晚「搭二百幾蚊的士入元朗買一隻雞翼尖畀你呢個大小姐」。

上月他又留言稱「如果我唔係鐘（鍾）意你，你琴（尋）晚響（响）臭格我都話想冷靜　你係都要激我打我」、「一定會記得你琴（尋）晚點打我屈我……山水有相逢，我相信天有眼」，不過女方留言駁斥他「自己自殘話我打你都已經唔係第一次」；女方另留言斥責男方「冇錢就唔好咁多嗲啦　我唔比（畀）錢你你點返到工呀」等。不過二人都有「恩愛時刻」，曾相擁合照及嘴對嘴自拍，好不甜蜜。有網民指過去曾見過二人爭執，當時女方將男方電話扔落地「條仔係咁喊」；有人質疑女方「根本無鐘（鍾）意過條仔，不停咁玩緊佢！變態！」。女的被插「影衰女人」，男的亦被指「影衰男人」，不過亦有人同情男主角，欣賞他始終無還手。

第一手消息請下載on.cc東方互動iPhone/iPad/Android/Windows Phone Apps