恭賀
抱得美人歸嘅黃進達（右）大讚太太陳婷婷溫柔體貼，身為好兄弟嘅莊士集團太子爺莊家彬（左）送上現金厚禮恭賀。
城中鑽石級「筍盤」又少一個，講嘅係俊朗不凡嘅康泰旅行社董事總經理黃進達（Jason），佢日前迎娶拍拖八年嘅陳婷婷，世紀婚禮喺會展舉行。富商巨賈、旅遊界名人紛到賀。少開金口嘅Jason為博太太一笑，上台高歌一曲《唯獨你是不可取替》，贏得哄堂掌聲。新老爺黃士心就恨抱孫恨到出口，催促一對新人努力「造人」。
打氣
新郎係「潮州冷」，潮州商會青委當然總動員打氣，（左起）胡炎松、張俊勇、葉振南、張詩培及徐永安。
祝福
菁英會兄弟姊妹祝願一對新人甜蜜蜜，（右起）陳昆、黃傑龍、甄韋喬、白富鴻、蔡志婷及曾鳳珠。
恩師
康泰前總經理劉美詩係新郎哥恩師，呢晚一身紅噹噹到賀。
聚首
香港青聯中堅分子聚首一堂，（右起）副主席郭永亮、鄭重科及副秘書長梁毓偉。
甜蜜
東華三院前主席陳文綺慧同老公陳宇齡拍拖到賀。
舉杯
潮青名譽參事陳光明（右起）、浸大校董李德剛及中總榮譽會長霍震寰兒子霍啟文齊舉杯祝賀。
相逢
廣東社團總會主席王國強（中）與細仔紹恆到賀，巧遇觀瀾湖主席朱鼎健（左）。
第一手消息請下載on.cc東方互動
