話說上水鄉事委員會主席侯志強尋日凌晨上載咗幅相到社交網站，見佢手執劇毒無比、有「金腳帶」之稱嘅金環蛇，留言話呢條蛇長兩米，重達七、八斤，起初唔知條蛇毒性咁高，無被咬親認真命大。雖然相中嘅佢着住好嬌俏嘅粉紅色Ｔ恤，但攞住條蛇個樣都幾兇狠o架！佢話條蛇尋日凌晨喺屋企花園出現，家人叫醒佢去捉蛇，佢當時諗都冇諗就捉住個蛇頭，仲話自小喺鄉村長大，所以無論乜嘢蛇蟲鼠蟻見到佢都要死喎！咁條毒蛇依家喺邊呢？佢話已經同圍村兄弟煲咗蛇湯飲，連蛇膽都吞埋，等買埋雞同龜板後，仲可以煮多味「蛇龜雞」添，好過食龜苓膏喎！

第一手消息請下載on.cc東方互動iPhone/iPad/Android/Windows Phone Apps