SUN驚奇：需物理治療師指導使用
家用電療儀日趨普及，主要用來鎮痛，有物理治療師表示，醫院亦會為痛症患者做電療，透過微電流分散患者注意以紓緩痛楚，甚至會建議患者自行購買家用電療儀使用，惟不當使用電療儀可致意外，所以物理治療師事前必會教導患者如何正確使用，以策安全。
電療是透過微電流紓緩痛楚。
侯鈞翔警告，電力過大的家用電療儀，可燒傷皮膚，嚴重更可能導致心臟停頓。
分散患者注意力「止痛」
「一定會事先教病人用喺咩位置先正確同有效，唔會由得佢哋亂用，如果唔係會比較危險，例如心臟附近位置，用喺頸前（喉嚨對上之彎位） 仲會暈低。」物理治療師劉兆安表示，進行物理治療時採用的電療儀器均會由專業人員操作，雖然醫生有時亦會建議患者自行購買電療儀在家使用，但必會先作出指導。
劉續稱︰「被電療嘅位置會好似畀蟻咬咁，痛嘅感覺就可以紓緩，即係用一種感覺蓋過另一種感覺。」而電療儀器從歐洲傳入，一般醫院亦會使用，原理是利用微電流刺激神經，以分散患者注意力，收鎮痛之效。
