SUN搞作：少膽虫手記：唔撈狂舞派
「我搵到我嘅真愛喇！」「腦細，你終於明白我嘅心意啦？」少膽虫張開雙手，準備抱住面前嘅淫黎，點知換來兜巴星，「死開啦，賤虫，再整古造怪就炒咗你！」
屏息之際，淫黎笑意淫淫自誇：「我自細就飲海耶克嘅奶大……」為咗哄番腦細，少膽虫馬上附和：「It's a common sense！黎黎你係英國人嚟o架嘛！」淫黎點頭續道：「近得福伯多，桃花都特別旺，你睇吓……」語畢，淫黎喺電腦開咗段片，少膽虫一看，頓時語塞。隨着片中鬼妹舞動的幅度增加，淫黎嘴巴張大，最後更流出口水來，「嘻嘻，少膽虫，原來寶島嘅美國女仔咁投入壹全霉嘅工作，令到段片爆晒hit-rate！」
「我決定過去寶島捽捽佢，因為佢同我一樣愛爛果！」「腦細，佢已經唔喺度喇……」為免淫黎感情受創，少膽虫決定講出真相。「你講咩話？仲咁後生！」淫黎仰天哀嚎，「唔係……黎黎睇清楚啲，段片個標題係the best way to quit my annoying job……」淫黎將屏幕向上捲動後，掩面痛哭。
