孔子仙遊後，遨遊於不同時空之中，悠然自得。佢出名有教無類，因此特登周圍了解世界各地嘅教育。喺強國，見到農民賣咗賴以維生嘅牛畀仔女讀書，佢不禁涕然淚下。再去歐洲，眼見洋鬼子不論貧富，人人都有得讀書，不禁感嘆：「德先生賽先生真不是蓋的！」最後佢擺渡到香港，非常好奇，親嘗學生食嘅填鴨，加埋驗毒，最後仲試埋蟈教添，豈料，課堂上，佢揭開本教科書，一道黑氣馬上襲來，聖人頓時語塞，由胃塞到上頸，由於啲填鴨消化唔到，結果抖唔到氣，最後被迫再死多次。
