SUN揭秘：長洲惡狗當道
長洲惡犬橫行，一宗狗噬人事件，揭示島上居民飽受流浪狗滋擾，但求助無門的困局。居民不單每晚被狗吠聲吵得難以入眠，惡犬更不時追嚇路人，有年老居民被追至跌倒甚至被咬傷。雖然居民多番向漁農自然護理署求助，甚至聯署要求，惟問題不單未解決，反而變本加厲。寧靜的長洲，似乎不再寧靜。
流浪狗在路上亂闖，令單車上的遊人左閃右避。
流浪狗愈生愈多，為居民帶來困擾。
二十多隻流浪狗盤據長貴邨附近的空地。
長洲街道不時可見小心狗隻的告示。
現時流浪狗分別盤據長貴邨及雅寧苑一帶，位處碼頭左右兩方，距離碼頭約十分鐘路程。在噬人事件後，記者再到長洲視察，在長貴邨外的馬路兩邊，已發現一群二十多隻的流浪狗在徘徊，路人和騎單車的遊人被迫左閃右避。記者走近時，二十多隻狗即不停吠叫，更有狗隻作勢撲向記者。這時一名街坊經過，大聲警告：「你唔好跑！佢哋撲過嚟。」記者站立良久，狗隻才停止吠叫。該街坊形容，入夜後狗吠聲在邨內此起彼落。路人走近，流浪狗會吠甚至追嚇路人。
長洲居民何小姐無奈地說，流浪狗聚集地是其回家必經之路：「啲狗好惡，好多居民都畀狗吠同追，我有次傾傾吓電話，有隻狗撲嚟我腳邊，之後十幾隻狗圍住我；我阿媽仲試過畀狗追到跌親，入咗醫院。」居民受流浪狗滋擾非一朝一夕，她指：「向漁護署投訴咗幾年，捉狗隊嚟到，有時捉到一兩隻，有時咩都捉唔到，解決唔到問題。」至於雅寧苑附近，亦是流浪狗活躍區域，平日至少有十多二十隻狗在區內遊蕩。其實早於今年三月，三百多名居民聯署要求漁農署解決問題，結果情況惡化，更出現咬人事件。
另一居民陳太直指狗禍是人為：「以前附近有地盤，啲人養狗看門口，工程一完，就棄養啲狗。」她又說：「仲有班人去餵狗，養到佢哋咁大隻，之後就愈生愈多，搞到依家咁。」
離島區區議員鄺官穩表示，流浪狗問題困擾居民多時，他希望「捕捉、絕育、放回」計劃可解決問題，但居民對該計劃存不少爭議。「唔少居民都覺得，捉咗啲狗點解要放番喺社區，點解唔搬去其他地方養。」
