測試救援效率醉漢玩殘消防
南丫海難一周年，赤膊醉漢聲稱有感而發，擬測試救援部門效率，昨凌晨他在鰂魚涌公園報案逾十次，揚言「唔開心，想跳海」，惟消防員率先趕至，獲知有人測試救援效率時，不禁啼笑皆非。期間，醉漢又投訴消防員無帶大光燈，質疑如何救人。最後他向各人鞠躬後離開，警方以醉酒處理無拘捕任何人。
醉漢疑向到場人員埋怨。
敬禮
鞠躬
昨凌晨零時許，一名赤膊及滿身酒氣姓傅（五十歲）男子，在鰂魚涌公園行至葛量洪號滅火輪展覽館旁，聲稱因南丫海難一周年，「有感而發」用手機撥打999報警，揚言「唔開心，想跳海」，藉此測試警方及消防的救援效率。
「大光燈都冇點救人」
約十分鐘，消防車率先趕抵公園，兩名消防員跑至葛量洪號船旁找到傅，他見兩人未有帶裝備，指他們「連大光燈都冇，點樣救人？如果我真喺跳咗海，你哋連大光燈都冇，點樣救我？」數分鐘後，十多名警員迅速趕至，傅又埋怨警員遲來；正當警員了解期間，他竟當着警員面前再撥打十次「九九九」求助，此時有逾十名消防員及三名救護員在場戒備。
期間，傅指着一名警長稱「你態度唔好，我要投訴你，你好寸！」並且抄下警長及全部警員的編號。警員以傅身有酒氣，問他「有冇飲過酒」，他回應：「我日日都有飲酒。」警再問「啱啱有冇飲呀？」他駁稱：「咁都算？」事件擾攘了大半小時，消防員最後問他：「仲有冇嘢需要我哋幫手呀？你唔會跳海嗰啊？」傅最後稱無需幫手，又稱「唔該晒」，向消防員鞠躬後離去。據悉，醉漢家住北角區，報稱並非海難死者的親友，只是海難一周年有感而發。
