尋日，十月一號，香港人因去年南丫島海難，奪去三十九人性命，定出每年這天為香港的「港殤日」，香港特區政府亦配合民情，不放煙花作「悼念」！

不知，明年的十一港殤日，會否有人見「事過境遷」，遂又扮演鍵盤戰士，寫網誌，大義凜然的呼籲大家「忘記過去，面向將來，搞好經濟，愛港愛黨……協助祖國，超英趕美，衝出亞洲，繁榮發達……」呢？

世事，弔詭奇異，常有令人意想不到的怪事出現。昨天，港殤一周年，竟有團體在遊客區派五星旗仔，本地人喺呢日心情欠佳，不想見紅色刺眼物，大多避之則吉，派旗黨於是向拖住行李篋的內地客埋手，殷勤地遞上小旗，哼！點知……（包你哋估都估唔到），我眼見那個「篋神」大陸妹竟拒絕唔要紅旗仔不特止，仲怒吼一句：「我就是不想今天見到這東西，才跑來香港走一走，料不到……哎……真見鬼！」掉頭走去。

近年，香港特區裏面異象環生，好多人都是說不出緣由。

其實，不少人口講愛國愛港，但所做的事，全是為禍國害港，只為個人利益出發，搞衰搞爛香港，計有貪曾煲呔雀屎、貪湯茅台、一群今屆廢柴政府高層，仲有那幫瘋癲五毛和西環太監……呢棚人全部都讀過吓書的，絕非文盲呀！但都盲了心眼，弔詭的，是佢哋常指斥別人不愛國。

要搞好香港有幾難？只要不做違背良知的事便是了！

若真愛國，唔好搞到香港大陸化先啦，派五星旗？不如每年今日為香港默哀一分鐘啦！寫於港殤一周年。

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps