SUN搞作：少膽虫手記：人間辭話
「感謝淫黎、感謝爛果、感謝壹全霉賜予我哋生命！繼亞當同夏娃創造咗人類之後，我哋迎來第二個好消息，就係親愛的領導淫賤黎……將，將會辭職！」喺《爛果》果慶，少膽虫對住貓紙背書之後，熱烈嘅拍掌聲響徹雲霄！見到咁多人支持自己，少膽虫頓覺飄飄然，馬上邀請尊貴嘅淫黎出嚟。但見企喺後台嘅肥豪面有難色，仲叫少膽虫睇多次張貓紙，電光火石之間，少膽虫先知賴嘢！
好彩，淫黎似乎乜都聽唔到，一路行一路笑到口水流，隨住佢嘅腳步，台下員工開始高呼「一路好走」，淫黎好開心咁大叫：「我嘅員工真係關心我嘞！」台下接着大嚷，「辭職！辭職！」淫黎面色一變，問：「你哋好想我走咩？」少膽虫即刻發揮如蟑螂般打不死嘅精神，仆出去補鑊：「腦細身壯力健，諗住『延遲』職務，每日晏啲先走，希望大家以淫黎為榜樣，遲啲放工，同爛果出生入死！」
淫黎聽了，又再笑到見牙唔見眼，台下一片死寂，宴會過後，場外貼滿「語言偽術」、「狼子野心」之類的標語，少膽虫搣咗成晚都搣唔晒。
