波哥、海事處幾位膠官同市民搭正同一班船去郊遊。半路，架船忽然失事，載浮載沉。不過隻船救生設施不足，市民馬上求救，膠官A卻施施然拎咗個包出嚟食，自言自語：「我個胃有事，唔可以空腹飲水o架！」市民嘆氣搖頭。膠官B則大聲問：「有邊個識祈禱？」有市民舉手話識，膠官B即刻姓賴：「咁你快啲幫自己祈禱喇，因為救生衣咁啱少咗一件！」一班市民激到彈起，即刻向波哥求救，波哥聽後大叫：「酒！酒！酒！」市民喊住咁話：「我哋都想走呀！但係點走？」但見波哥摷咗支酒出嚟，笑笑口講：「我哋一於學貪湯飲勝！醉咗乜都唔知，話唔定醒返已經上番岸呢？」

第一手消息請下載on.cc東方互動iPhone/iPad/Android/Windows Phone Apps