尋日李衞出席酒會，親眼目睹長議員着波鞋唔畀入場一幕，認真人神共憤。但係同場有單笑話突發，就係貪曾差啲入唔到場，因為根本無人認得佢！大家一齊嚟笑吓啦！

貪曾︰我成身名牌，打埋煲呔，真係爵士嚟o架！

警衞︰雀屎就有你份！我哋唔識你，唔畀你入去。

貪曾︰我好出名o架，意大利議員仲搵我幫手救貝老添！

警衞︰咁你咪涉嫌妨礙司法公正囉？

貪曾︰唔係唔係……查實我有件發黃背心，通街都記得係我嘅標誌，我除畀你睇。

警衞︰當眾露體，行為不檢，一於拉你！

貪曾︰唔好呀，最多我送個鮑魚畀你食啦！

警衞︰哦，貪貪埋埋咁多鮑魚，實係貪曾嘞，人嚟，開門畀佢！

第一手消息請下載on.cc東方互動iPhone/iPad/Android/Windows Phone Apps