康泰旅行社董事長黃士心最近進身老爺級，事關佢仔仔黃進達啱啱結婚，黃家辦喜事，連移民海外三十幾年嘅黃士心哥哥Jimmy都專程返香港，為姪兒送上祝福，尋日就見黃士心陪住哥哥入馬場輕鬆吓。
黃士心（右）同哥哥Jimmy（左），難得一齊入馬場輕鬆吓。
黃士心心情好靚，講起仔仔婚事一直笑眯眯，佢透露仔仔同新抱喺韓國度蜜月，雖然之前阿仔同新抱喺當地影婚紗相，但當時冇時間認真咁玩，所以今次度蜜月都再重遊舊地，一於要玩番夠本喎！
