透視鏡：球場縮水康文署零諮詢
【投訴組報道】球場改建突然「縮水」，康文署被轟零諮詢！原設有多個硬地足球、籃球及手球場的元朗東頭工業區遊樂場正擬改建，計劃改建的球場設施雖然獲得提升，但球場將由四個大減至兩個，加上區內球場一向供不應求，令使用者大感不滿。區議員踢爆康文署改建前只向區議會提交文件，並未作任何公眾諮詢，要求當局檢討現有規劃，並增設球場以應需求。
元朗東頭工業區遊樂場改建令球場數目大減，令使用者大感不滿。
元朗區區議員鄺俊宇不滿康文署遲遲未有就球場改建主動展開公開諮詢。
改建後籃球場將減至一個。
曾有市民於球場內掛上橫額抗議改建，惟未幾即被清理。（讀者提供）
波友有話說
阿邦：「元朗籃球場已經少，好多又唔合標準，仲少一個真係好嬲！」
阿銘：「依家啲石（硬地）場都唔夠，仲要少兩個場真係冇得玩！」
張先生：「石場已經好難Book，第日仲要少兩個，咁仲可以去邊度踢？」
元朗東頭工業區遊樂場原設有兩個七人硬地足球場（兼手球場）及兩個籃球場，全屬免費設施，每晚均吸引不少市民使用。康文署近年擬重建場地，重建後的設施將變為一個十一人收費人造草地足球場及一個籃球場。
不少球場使用者獲悉政府現有規劃後皆表示近月始聞悉計劃，因球場數目將會減少而反對改建。其中阿廣更坦言元朗區硬地足球場數量不多，擔心球場改建為收費草地球場後，場地不足情況更見惡劣。「好多人多數只係踢硬地場，貪佢唔使着釘鞋又免費，加上唔一定要Book咗場先踢到，如果再少兩個場就真係冇地方踢！」
籃球場使用者陳先生則說，近月始從網上討論區得悉計劃，不滿當局從未主動公開諮詢，早前曾多次於場內懸掛橫額抗議，惟橫額旋即被拆除，「我哋日日喺度打波，但係一張通告都冇貼過問吓我哋！改建唔緊要，點解要少咗一個籃球場？」
卸膊稱獲區會支持
原來，這個近日才引發爭議的計劃早在兩年多前已經醞釀出籠。康文署發言人表示，當局分別於一一年五月、一二年三月及今年七月曾就改建計劃諮詢元朗區議會轄下地區設施管理委員會。發言人說，由於區內兩個十一人草地足球場使用率已達百分之百，故擬將計劃改建成草地足球場，強調計劃一直獲委員會支持。
「如果話同區議會開過會就當做諮詢咗，呢種係推卸負任嘅講法，因為康文署有責任直接諮詢公眾！」當區區議員鄺俊宇認為當局應在計劃重建球場初期詢問使用者意見，「定好晒個計劃先嚟問居民有冇問題，呢啲叫通知而唔係諮詢！」鄺又稱，改建球場雖可紓緩區內草地足球場不足情況，但亦有不少市民不滿區內硬地球減少，「打草地同打硬地嘅係兩批唔同嘅人，康文署一定要諗吓辦法起番唔見咗嘅硬地足球同籃球場！」
有份參與地委會就球場改建初期會議的元朗區區議員蕭浪鳴則直言，區議會雖然支持球場重建，但早於首次會議已表明收費球場會對使用者造成不便，「嗰時康文署冇一個實質規劃，只係收集意見，亦都冇話會點樣處理我哋嘅意見。」蕭又說，康文署於今年七月會議的文件始刊出詳細的球場數目及設施，已即時反映居民就球場減少的不滿。
