SUN搞作：打橫嚟講：理性認識「佔中」
上周六，香港通識教育會搵咗近七百名中學生，做咗次「新高中通識科模擬考試」，以「佔領中環」和「公民抗命」設題，來研究吓呢類時事熱話，對通識考試，有乜影響！
噢！結果顯示，大部分學生對「和平」、「非暴力」、「和諧」、「公義」等熱門詞彙都係一知半解，甚至因認知不足而導致謬誤百出添，咁！即係證明學生唔識嘢？
既然，「佔中」同「公民抗命」可引伸出當今香港熱熾討論「和平」、「公義」這類世界核心價值，正好是通識科成立的原意宗旨：「鼓勵學生識多啲嘢，和培養獨立思考」。若然，眾多學生對上述概念有誤解，即學校教導出了問題啦！
現坊間，突然出現大批瘋癲五毛狂轟「佔中」，全失去理性的破口大罵，計有「公關公司」收水做嘢，亦有「西環鼠乸」反口覆舌講歪理，當然，少不了土共路演幫腔叫喊，加埋兩三份無人睇、無人理的禍國害港嘅垃圾報扮聖旨到，搞到本來小事一樁的乜鬼佔領行動，變成國際大新聞。
事實上，有人批定「佔中行動」，只不過係幾個鐘頭之小事，無乜影響吖！
但係，經過一大群瘋癲五毛日日炒作，真的，可以嚇親不少學校校長，不特止自己唔敢哼一聲，更不想校內老師提半句；咁咪，搞到啲學生知啲唔知啲囉！鄧小平主張「真理愈辯愈明」的，就不如在學校講多啲，甚至叫佔中發起人同反佔中的公關大員到嚟「對談」，讓學生體驗「實踐是檢驗真理的唯一標準」咪好囉！還有呀！原來改卷評分員都有十巴仙唔知碇的，應一齊再學習！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
