SUN搞作：少膽虫手記：一個月亮，一個爛果
「腦細，景鴻哥哥已經幫我訂咗機票去阿努阿圖，我要走！」少膽虫邊說邊哭，與君執手相看淚眼，無語凝噎。「少膽虫，你捨得離開我？」淫賤黎悲慟跪地，攬着少膽虫褲管，叫少膽虫於心何忍？然而大局已定，「腦細，喺蝗蟲壓境之前，少膽虫決定另覓他鄉……」
「你同我聽住……」淫黎輕替少膽虫拂去身上微塵，記憶所及，腦細從未如此溫柔過，少膽虫的心再痛，「少膽虫，天空上面有兩個月亮，你見唔見到？」少膽虫不禁疑惑，「我咩都見唔到喎……」「拍！」一下重擊襲來，少膽虫馬上識做，「係，天空上面有兩個月亮！」善變嘅淫黎指住《爛果》招牌：「一個月亮喺天上面，另一個就係無咗一角嘅爛果。其實，依家你身處嘅係1Q84年，從你入嚟壹全霉一刻開始，你就注定永遠返唔到去1984……」
「賤虫！唔准瞌眼瞓！」食完腦細一拳，當堂醒晒。少膽虫經常諗起過去畀爛果蠶食嘅一日，廿幾年過去，窗外的堆填區繼續高、爛果繼續霉，唯一不變的，原來只有淫黎嘅拳頭。
