勞工及福利局局長宗宗，忽然心血來潮，落街去搵睇相佬睇吓自己嘅前程，只見睇相佬正襟危坐，好似一早知道宗宗會嚟搵佢……

宗宗︰大師，你幫我睇睇？

睇相佬︰你想睇咩？

宗宗︰睇吓條貧窮線！

睇相佬︰生命線、感情線我都聽過，但就係未聽過有貧窮線。

宗宗︰我係講政府啱啱訂立嘅貧窮線，幫我睇吓會唔會推行得順順利利。

睇相佬︰哦！咁打開嚟睇吓！

（睇相佬一手捉住宗宗，欲為其衣衫解扣）

宗宗︰你做咩？我唔係啲模，心口無「事業線」！

睇相佬︰唔解開手袖鈕，睇掌紋唔方便呀！不過未睇都知差啲！

宗宗︰無可能，你望都未望過！

睇相佬︰香港咁多窮人，定條貧窮線都搞咁耐，仲要等搞扶貧措施，你仲唔畀人鬧爆，使鬼睇咩？

第一手消息請下載on.cc東方互動iPhone/iPad/Android/Windows Phone Apps