香港專業及資深行政人員協會七歲生日，日前喺金鐘港麗酒店開party，多位理事會成員早前齊獲授勳，數百嘉賓舉杯祝賀，喜上加喜。腕錶，係潮流永恒印記。全球最大嘅香港鐘表展早前喺會展登場，全球業界買家聞風而至，鐘錶界翹楚及城中名流，穿梭派對晚宴，非常熱鬧。

合拍
常務副會長盧偉國（右起）、IT界才女李煥明及秘書長李惠光，首次夾Band表演便十分合拍，贏得哄堂掌聲。

欣慰
專資會創會會長容永祺（中）同太太Louisia，對兒子思瀚（左）加入保險界不久便創出佳績，大感安慰。

祝賀
專資會副會長黃偉雄（左）獲頒榮譽勳章，會長謝偉銓（中）及理事楊素珊齊讚實至名歸。

鐘錶界派對
打氣
太子珠寶鐘錶執董鄧宣宏雁（中）主辦名錶派對，好姊妹林黃寧艷（右二）、劉黃寧達（左二）及做童裝生意嘅Elaine（右）齊到賀，左一為馬會行政總裁應家柏太太Winnie。

趣致
香港鐘表展聯名主席徐珊雯（左二）及法國籍友人Alexis（右二）合作嘅品牌公仔好趣致，九龍表行第三代黃雅芝（右）愛不釋手。左一為徐珊雯囡囡Cheryl。

撐場
批發零售界立法會議員方剛（右二）現身撐香港鐘表展，鐘錶界老行尊孫秉樞（左二）與兒子大為（左）、香港鐘表業總會主席區宇凡當然要同佢合照。

專資會七周年
歡聚
專資會前會長胡曉明太太梁子慧（左起）、ARTE主席張寬年及行政董事陳幼仙，歡聚在晚宴上。

奪寶
新華旅遊董事總經理楊章桂芝（左）以四萬一千港元投得由理事華慧娜捐出嘅紅白玉心口針，喜出望外。

第一手消息請下載on.cc東方互動iPhone/iPad/Android/Windows Phone Apps