加入立法會一年多嘅「雙料議員」陳恒鑌（Ben）好重視頭家，最近為慶祝結婚五周年同太太生日，設計咗個特色泰國之旅，佢喺社交網站上載咗一張自己戴帽同太太一齊煮飯仔嘅合照，原來佢喺泰國即席學煮泰菜畀驚喜太太。阿Ben話，太太一早話唔好送禮物，因為唔想佢嘥錢，所以佢就決定帶太太去泰國旅行兼學煮泰菜慶祝。陳恒鑌認為泰菜係唯一有齊甜酸苦辣嘅菜式，今年係佢同太太人生嘅第一個五年，所以點都要過得有意義啲喎！
忙於政事嘅阿Ben，之前已經話結婚五年都未去過旅行，因為頭嗰四年要應付連串選舉，當選立法會後又因為議會工作太忙而未能出行，搞到最後要帶太太同囡囡去迪士尼樂園玩「止渴」，今次泰國之行總算還住啲「利息」喇。
第一手消息請下載on.cc東方互動
