姚珏（左六）率領香港弦樂團與小提琴大師David Ehrlich（左五）齊齊喺港鐵站獻藝。
國際小提琴家姚珏早前成立香港弦樂團，目前已有十一位成員，近日姚珏邀請美國小提琴大師David Ehrlich來港，為成員進行十多日嘅密集式訓練，而弦樂團尋日傍晚更於港鐵香港站，向下班嘅途人送上悠揚樂韻。
尋晚佢哋喺港鐵香港站演練，吸引唔少乘客駐足聆聽，人來人往嘅港鐵站亦因為動聽嘅弦樂飄揚，多咗份優雅。姚珏話，今次係樂團首次於公眾場所演出，往後仲會到訪不同社區舉辦音樂會，免費向坊眾演奏繞樑樂曲外，同時磨練樂團技巧，可謂一舉兩得。
姚珏之前講過，每年都有唔少年輕人從音樂學院畢業，但係能夠踏上台階一展身手就為數不多，佢成立香港弦樂團，就係想為有志以音樂為專業但又未獲職業樂團僱用嘅年輕人提供繼續深造及演出機會。
第一手消息請下載on.cc東方互動
