有間老牌百貨店近日喺旺角開旗艦店，好多城中名人都有去撐場，熟朋友行埋傾嘅話題，自然同潮流時裝有關，而先施老闆娘Vera馬唐啟慧同城中名媛老友分享衣着心得。

林曉盈（左起）、馬唐啟慧同伍穎梅一致認為着衫最緊要靚。

Vera要求衣着簡潔低調得嚟又有款式；「九巴金公主」Winnie伍穎梅就話穿上身嘅衣服要感覺舒適；而有「手襪女王」之稱嘅昌利行董事Juliana林曉盈買衫嘅首要條件就係必定免漿熨，因自己經常要出外公幹開會，啲衫縐嘅話就好麻煩，所以衣着最緊要方便喎！不過，三位女士着衫嘅要求都有一個共通點，就係最緊要着上身靚囉！咁梗係啦，邊位女士唔愛靚o架！

第一手消息請下載on.cc東方互動iPhone/iPad/Android/Windows Phone Apps