城中鏡：陳君宜巴黎睇騷兼掃鞋
名媛陳君宜喺巴黎當地時間九月二十四日下晝出席一個春夏時裝騷，但係因受颱風影響延遲咗一日先抵達，佢話：「本來我同班朋友一齊嚟，但依家唔同機，得我一個到先，之後再同佢哋會合番。直至十月一號先返香港。」
陳君宜遲咗一日先到巴黎，但睇騷同掃貨嘅心情未受影響。
問到係咪順道嚟入貨？陳君宜話：「都係，睇下香港冇嘅心水品牌。我一年飛好多次，之前滑雪整親腳冇飛。等咗好耐想血拼購物，我都帶咗好多空篋，主要嚟掃鞋，我好大腳，成三十九、四十號，香港真係好難買鞋，我最瘋狂一次，係一次過掃十幾對鞋，屋企鞋櫃要訂造。我覺得買靚鞋難過買衫。」
