SUN揭秘：領獎係尊重 唔值得擺出嚟
憑黑暗中拯救三名陌生團友，李明新被封海難救人英雄，獲頒義勇獎等獎項。不過李明新的家，從未展示獎狀，只將它們收於抽屜內。他說﹕「唔係開心事，去出席、去領獎，只係尊重，同希望帶動幫人嘅正面訊息，但唔值得擺出嚟。」開放家園，讓團友到家中聚會，他希望自己的家可以成為互相扶持的地方。
團友定期聚會互相鼓勵
每隔兩、三個月，李明新一家都與當日船上團友相聚，最近一次在上星期五，中秋追月當日，大伙兒到李明新的家聚首，「幾個家庭同朋友燒吓嘢食，小朋友喺海邊，捉蝦捉魚。」
聚會由團友在海難發生後約一星期自發組織，至今近一年，李明新見團友慢慢轉變，「以前無笑容嘅團友，都開始見佢笑。」他認為聚會不一定訴苦，有時擔心勾動別人情緒，大家同舟共濟過，見吓面都開心，希望彼此鼓勵，面對明天。
