SUN搞作：打橫嚟講：基本法第二十二條與限奶令
半年前，大陸水貨客（應說係「走私販子」）在港盲搶奶粉，搞到港B紮炮，港人媽聲四起，更衍生出中港矛盾的社會衝突，香港特區政府不得不實施「限奶令」去守護港嬰BB「生存空間」。
哼！只不過，六個月之嘛！呢個廢柴政府急不及待「應聲」跪低，準備放寬大陸自由行「旅客」（帶貨者）來港走運奶粉！仲話係乜春測試，睇吓情況再作決定喎！講真，唔放生畀大陸走粉，又點會有呢個「壓力測試」大龍鳳的出現吖？假到離晒罩！
無阿爺指天篤地，香港廢柴政府又怎敢肆無忌憚不理港B生死、港嬰父母（港人）的感受去準備放行的前頭工作吖？測試？咪玩啦！當香港人白癡o架咩！
嗱！大陸官員開到口啦！國務院港澳辦主任王光亞借會見香港副局長及政助訪京團時，特別提到「限奶令」為例，訓示香港政治任命嘅官員制訂政策時，須考慮內地人的感受喎！喂，大陸高層日日喊話要按《基本法》辦事，那麼，《基本法》裏，幾時、邊段寫着「香港政策制訂，要考慮大陸人的感受」呀又？
《基本法》只有講「港人治港、高度自治」，第二十二條明文規定：「中央人民政府所屬各部門……均不得干預香港特別行政區根據本法自行管理的事務。」
我哋香港政府點立法，關你大陸佬叉事呀！港官只須維護香港/港人利益就是！理得你大陸人感受喎！同樣，你班走私客盲搶香港貨品，又有無考慮過我哋嘅感受呢？
有賊入屋打劫，仲要考慮佢感受？精神病乎？有病睇醫生啦！唔該！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
