政壇：李登海赴美被當「臥底」
最近香港迪士尼樂園高層出現新變動，原本嘅人力資源總監Damien李登海紮職，出任營運副總裁，成為首位出任呢個職位嘅華人。Damien尋日分享工作趣事，講起前年被公司委派去美國迪士尼樂園取經十七星期，因為當時自己仲以人力資源總監身份赴美，好多同事以為佢係總部派嚟嘅臥底密探，監視大家一舉一動，所以大家對佢都古古怪怪咁，但後來佢發覺唔對路，決定主動講明來意只喺吸取經驗，氣氛先無咁緊張。
李登海出任香港迪士尼樂園營運副總裁一職，成為擔任該職位嘅首位華人。
講到香港前線員工同美國員工嘅分別，Damien就話香港員工比較勤力同有效率，而且好多90後員工都有創意，為樂園增添好多諗頭。相反美國員工一有唔明就會追根究柢，反觀香港好多90後就算有唔明都唔發問，所以佢決定以後就算有人「Say Yes」，佢都要求員工做一次畀佢睇，先至安心咁話。能夠了解咁多90後嘅諗法，佢就話多得自己屋企有三個90後囡囡做佢老師。
