搬「唔氏兄弟」回應盤問
【本報訊】法律界人士指出，要成功指證貪湯在早前的帳委會聆訊中發假誓作假證供，必須證明貪湯是在明知或蓄意下，作出完全虛假或失實的證供，舉證難度極高，貪湯在聆訊中多次搬出「唔氏兄弟」，即「唔記得、唔知道、唔清楚、唔肯定」來回應議員盤問，正是為免自己講多錯多，自招罪證，相信是有律師在背後教路。
有帳委會委員直斥貪湯惡行是由貪曾一手造成，建議一併傳召貪曾作供。（資料圖片）
貪湯回應委員質詢時頻頻翻查文件及間低要點，但對多個關鍵問題都扮失憶及詐唔知。
貪湯指麗江也是雲南一部分，故貪曾批准他訪雲南等同批准轉去麗江。
帳委會昨公審貪湯長達四小時仍未夠喉，稍後會第五度傳召貪湯。
在審訊期間，貪湯（右）多次與法律團隊「咬耳仔」商討。
「最多判你不誠實」
貪湯昨日帶同五人法律團隊陪同他到立法會接受公審，比上次再增一人，包括其身兼牧師及大律師的兄長湯顯森、打過陳志雲案的大律師黃廷光、身兼香港律師會副會長的律師熊運信、一名女助手和一名不知名的西裝男子。其中在問及廉署於貪湯任內違規狂買茅台的問題時，貪湯曾三度與法律團隊「咬耳仔」商討，最後以「唔清楚」、「唔記得」及「唔知道」來作答。
律師黃國桐指出，要指證某人發假誓作假證供，先要證明所作證供是「假」的，「要真正無中生有，真係砌出嚟嘅，例如根本無發生過就話有發生，有發生過就話無發生，先可以話係假，混淆不清、前後矛盾都唔算數」；另一樣更難舉證的，是要證明作假證供者明知或蓄意造假，「我哋叫呢啲做『唔氏兄弟』，唔記得、唔知道、唔清楚、唔肯定，法官最多判你係不誠實證人，供詞不可信，但好難入到你作假口供」。
