SUN搞作：少膽虫手記：半澤奧義之十倍奉還
眾所九知，開放同多元係《爛果》嘅特質，為咗彰顯壹全霉嘅國際化，少膽虫決定「有容乃大」，叫班手下喺海外招聘精英，然而，唔知菜嫌貴係咪有心玩嘢，竟然請咗個好多格言嘅日本仔返嚟！
「哈哈！你叫乜名？」回頭一望，個新人同淫黎傾緊計，嚇到少膽虫即刻狗衝上前，「我係半澤desu，來自日本，好高興認識黎～」淫黎笑到見牙唔見眼，拍住半澤膊頭講：「好！有為青年！」少膽虫見狀，出盡力拉走淫黎！
「十倍奉還！」豈料聽到呢句，淫黎更為好奇。眼見半澤努力搬報紙，多事嘅淫黎又走上前，日本仔照舊唸唸有詞：「十倍奉還！十倍奉還！」淫黎忍唔住問：「半澤，你噏乜呀？」卻見半澤義正辭嚴：「黎黎san，每日退番嚟嘅《爛果》十倍有多，為之十倍奉還desu！」淫黎面色馬上變黑，少膽虫諗住兜，「半澤，咁你有冇橋打殘正義傳媒呀？」半澤充滿陽光咁回應：「以牙還牙！『正義』必勝！」可憐嘅少膽虫感到一記拳頭在背後緩緩升起……
