城中鏡：王維憲推介馬拉松利率
渣打銀行搞嘅「馬拉松」變成一年一度嘅盛事，佢哋真係馬拉松上身，連存款利率都同馬拉松掛鈎，推咗個名為「高息馬拉松活期存款」，借用咗馬拉松漸進式嘅特質。
王維憲（中）話今年報名參加馬拉松嘅人數超過七萬人。
渣打存款及按揭業務香港及大中華區主管Teddy王維憲，親自介紹呢個別開生面嘅「馬拉松」。原來「馬拉松」係用嚟比喻漸進式活期存款利率，寓意「愈跑愈高息」，計劃之下嘅存款年利率最高達一點八厘。
咁唔知佢係唔係「跑友」呢？佢講笑話，跑馬拉松之前要操練同做好多準備，開立呢個活期存款戶口就唔使咁多準備啦；佢仲話今年報名參加跑馬拉松嘅人數超過七萬人，希望申請開立優惠活期戶口嘅反應都咁熱烈喎！
