好多人都希望透過改名嚟轉運，好似教育局前政治助理嘅太太張燊悅咁，尋日出席活動時透露，現正式改名為楊張新悅。咦！加咗夫姓仲改埋個「燊」字喎。何解？佢話嫁入楊家後，一直未加個楊字，而張燊悅只係藝名，依家想正式用新名，連身份證都會改埋咁話。
楊張新悅話改名唔關風水事。
被問到係咪同風水有關？想追個仔呢？佢話唔關事。
再追問佢係咪想再生多個？佢就話：「唔可以話想唔想，上天畀嘅。」佢又透露，其實佢想做女強人，依家喺中港都有做有關環保方面嘅發展顧問添！
