王健林
胡潤研究院早前已列出中國首富排名榜，萬達集團董事長王健林，撼贏娃哈哈董事長宗慶后，成為首富，尋日又再公布「房地產富豪榜」，王健林既然係首富，自然做埋地產界富豪嘅No.1，佢嘅身家大約係一千零十億元人民幣。
內地樓價無懼調控愈升愈有，地產業富豪身家都暴漲咗唔少，今年嘅「胡潤房地產富豪榜」，地產富豪嘅上榜門檻同平均財富都打破咗歷史紀錄，上榜門檻比舊年提高咗兩成五，最低要求要七十五億人仔，而頭五十名富豪嘅平均財富比起舊年都升咗超過兩成二，達到一百五十七億元人民幣。
王健林喺最近四年入面已係第三次名列房地產榜首富，根據胡潤統計，地產佔咗佢個人財富嘅八成。
第一手消息請下載on.cc東方互動
