政壇：澳洲會計師公會 約會破世界紀錄
Speed Dating好多人都知係乜，但「商務快速約會」你聽過未？今次仲打破健力士世界紀錄添。原來呢個Dating好正經o架，係幫啲後生仔，多啲認識會計行業嘅約會。
李文傑已經攞咗健力士世界紀錄嘅證書。（資料圖片）
呢個「約會」由澳洲會計師公會搞嘅，已證實係全球最大規模，並正式打破健力士世界紀錄。公會嘅大中華區分會總經理梁煥芹話，共有四百零六名導師同學員參與，導師向學員提供規劃會計職業道路嘅建議，又分享專業意見和心得。呢次活動刷新了舊年十一月於美國堪薩斯城創下嘅三百五十七名參與者嘅世界紀錄。
澳洲會計師公會大中華區分會會長李文傑，同埋梁煥芹已經攞咗健力士世界紀錄嘅證書，李文傑話今次活動嘅目的，係為學生及年輕專業人士，提供一個充滿趣味嘅形式與會計翹楚見面，等佢哋喺開展會計事業前，有機會攞多啲專業意見。
