李衞天生異稟，唔慣空肚食早餐，成日勒住肚皮忍到食晏，有幾次仲差啲餓暈。早兩日打風，李衞去富豪飯堂醫肚，喺門口見有條中坑差啲跣低，心諗唔通佢又係餓到腳軟？菩薩心腸嘅李衞即刻走過去逗住佢，發覺原來係日日都有病，但唔睇醫生嘅大瘤。

李衞︰天雨路滑，因住行差踏錯趴街呀！

大瘤︰邊……邊個話我行差踏錯，我行得正企得正呀！

李衞︰原來係你，睇路吖嘛！有冇屈親呀？

大瘤︰屈？有呀，我畀人屈o架！伸冤呀大人！

李衞︰都唔知你噏乜，有病就睇醫生啦。

大瘤︰哈哈！犀利呢！我最叻出啞謎o架！

李衞︰九唔搭八，總之你小心啲咪差錯腳啦！

大瘤︰都話冇行差踏……哎吔！

第一手消息請下載on.cc東方互動iPhone/iPad/Android/Windows Phone Apps