城中鏡：名人潮拜珠寶藝術大師
國際知名華人珠寶藝術大師Wallace Chan早前喺巴黎舉行新作媒體預覽會，首度展出為第二十七屆《巴黎古董雙年展》精心創作的珠寶藝術作品，宣布將喺明年再度展出呢個全球最具分量嘅藝術博覽會，到時全世界觀眾將再次領略其中華珠寶藝術嘅巨匠風采。
超級名模Natalia Vodianova（左）同大師言談甚歡。
法國前工業、能源及經濟部長Eric Besson（左）專程嚟撐大師Wallace Chan（中）場。
今次預覽會吸引咗眾多社交名媛同珠寶收藏家嚟撐場，包括法國前總統夫人Madame Jacques Chirac、丹麥亨利克親王殿下外甥兼法國卡伊酒莊CEO Guillaume Bardin、法國前工業、能源及經濟部長Eric Besson，同埋超級名模Natalia Vodianova等，佢哋除咗對Wallace Chan嘅作品都大加讚賞，驚嘆不已之外，大家仲有機會摸住杯底傾吓偈添！
明年再度參展，Wallace Chan為珠寶藝術愛好者帶嚟咗更多驚喜。今次新作媒體預覽會展示嘅九件作品當中，其中四件係珠寶藝術大師嘅設計手稿，為其於雙年展嘅展出締造一刻懸念。
