SUN搞作：少膽虫手記：超強龍捲！
「黎黎，你要記得預防呀……」「下次先啦！」「唔得咁o架，黎黎！你要做個負責任嘅男人呀！」無論少膽虫如何勸說，淫賤黎依然堅持，少膽虫輕掩羅裳，欲拒還迎，不知如何是好……
比掛十號波仲快，淫黎臉上變色，「我點都唔防風o架嘞！再講我就打死你隻賤虫！」少膽虫真係唔明，點解癲兔就殺到，壹全霉仲係一啲危機意識都冇？「腦細，我哋一定要閂好大閘、貼多啲膠紙喺窗……呀！」說時遲那時快，淫黎唔耐煩，索性兜巴冚過黎！「腦細，我只係一條心希望溶溶爛爛嘅《爛果》可以逃過死劫啫……」須知，塊面點痛，都唔夠少膽虫個心痛！
「賤虫，你跟咗我咁耐都仲唔明？《爛果》宣淫販賤，符合大眾口味，基業定當永垂不朽！我仲要預防啲咩？你同我聽住，繼續作、作、作呀！」說罷，淫黎大力打開窗，「我就畀你睇下！個天係玩唔到我嘅！」
「腦細……呀～呀！」話口未完，一股強力烈風襲來，夾着大量從堆填區捲來的垃圾，風暴猶如龍捲，於全霉大樓翻騰，《爛果》招牌爆裂，樓頂飛起，將淫賤黎同少膽虫拋往九霄雲外。
