「啊、啊，少膽虫……」聽到房入面嘅天籟，少膽虫即刻以時速五百公里嘅腳步仆入淫黎間房。甫開門，即見淫黎大喊：「啊，我哋終於做到喇，日賣七百萬份！」少膽虫馬上思疑，明明呢幾日十份都無，點會變成七百萬份？「腦細，你係咪今日未插舌針呀？」淫黎即瞪大眼，逐句吐出：「唔係，菜嫌貴同我講，今日真係臨尾一份都畀人買咗呀！」少膽虫即刻眼凸，終於等到喇！今日終於成為雄霸香江嘅全霉總編輯喇！「今次唔止全霉，係全香港都需要《爛果》，我哋做嘅假係無白費o架！」擦慣鞋嘅少膽虫，梗係把握扶搖直上嘅機會，「腦細，今日版A1係我嘅橋嚟o架！哎呀，其實呢排每一日我都帶住班細嘅做嘢……」淫黎雙目炯炯，緊握少膽虫雙手，道：「虫呀虫，以後我哋每日都要一齊……」頃刻，窗外風雲變色，一道燄雷擊中壹全霉，數秒之間火光熊熊，連淫黎都燒着咗！

「拍！」臉上忽然劇痛，少膽虫大驚掙扎，一擘開眼就見到淫黎，「咦，老細，你無燒親呀？太好喇！」淫黎即刻面黑，大叫：「個風殺到嚟喇，你仲掛住瞓，你條賤虫，等我即刻炒咗你！」

第一手消息請下載on.cc東方互動iPhone/iPad/Android/Windows Phone Apps